COMOPOLIS

COMOPOLIS

Assyriae oppid. Ptol.

Imo appellativa vox est, et vicum proprie notat moenibus septum, uti plus quam κώμη, sic minus, quam πόλις: Cuiusmodi Κωμοπόλεις multae olim in Babylonia et Assyria fuêre, uti videre est, apud Isidorum, in Mansionibus Parthicis. Sic in Babylonia, Εἶτα βασιλεία Α᾿ρτέμιδος ἱερὸν Δαρείου κτίσμα κωμόπολις. Paulo post, εἶτα Α᾿λλὰν κωμόπολις. Item παράκει ται δὲ τῇ Ε᾿φαλίγᾳ κωμόπολις Ναβαργὰθ. Inprimis vero Ctesiphon olim celebris fuit pagus in Assytia ad Tigrim fluv. de quo

Strabo scribit, eum urbis potentiâ et magnitudine esse, ibique Parthorum Reges hiemare solitos, Seleuciae urbi parcentes. Hodie in Hollandia Haga-Comitis, pro pago quidem haberi solet, sed vere Comopolis est, de qua pauca tantum et infra dignitatem eius fere adhuc sunt, quae Ortelius scripsit, Theatr. ad Tab. 44. Hic enim pagus Guicciardino creditur amplitudine, opulentiâ, venustate et amoenitate coeteros omnes universae Europae pagos longe antecellere, ut qui duo milia domorum; et inter coeteras Regiam aedem, in qua Principis summum tribunal, habet. Prope nemus est opacum, avium cantu et ferarum aspectu, oculis auribusque iucundum. Dignus omnino, qui cum Ctesiphonte, adeo apud veteres Scriptores celebri, conferatur. Auctor Anonymus, Histor. Orbis Terr. c. 8. de Urbibus.